डॉ. डी. वाय. पाटील पॉलिटेक्निकला 'एक्सलंट' श्रेणी
कसबा बावडा येथील डॉ. डी. वाय. पाटील पॉलिटेक्निकच्या कॉम्प्युटर इंजिनीअरिंग आणि कॉम्प्युटर सायन्स या शाखांना महाराष्ट्र राज्य तंत्रशिक्षण मंडळ, मुंबई (एम. एस. बी. टी. ई.) यांच्याकडून 'एक्सलंट' श्रेणी प्राप्त झाली आहे. तर मेकॅनिकल आणि सिव्हिल या शाखांना 'व्हेरी गुड' ही श्रेणी प्राप्त झाली आहे. शैक्षणिक वर्ष २०२५-२६ मध्ये झालेल्या अकॅडमीक मॉनिटरिंगनुसार ही श्रेणी मिळाली आहे, अशी माहिती प्राचार्य डॉ. महादेव नरके यांनी दिली.
तज्ज्ञ समितीकडून सखोल तपासणी
गेल्या वर्षभरातील शैक्षणिक कामकाज, विद्यार्थ्यांचे परीक्षांमधील निकाल, क्रीडा, सांस्कृतिक व सामाजिक उपक्रम, उद्योग क्षेत्राबरोबर केलेले सामंजस्य करार आणि शिक्षकांसाठी राबविलेले प्रोत्साहनपर व संशोधनात्मक कार्यक्रम, विद्यार्थ्यांना मिळालेले पेटंट आदी बाबींची तपासणी एम.एस. बी. टी. ई. तज्ज्ञांच्या समितीकडून केली होती. या समितीने दिलेल्या अहवालानुसार पॉलिटेक्निकला ही श्रेणी मिळाली आहे.
मान्यवरांकडून अभिनंदनाचा वर्षाव
या घवघवीत यशाबद्दल संस्थेचे अध्यक्ष डॉ. संजय डी. पाटील, उपाध्यक्ष आमदार सतेज पाटील, विश्वस्त माजी आमदार ऋतुराज पाटील, पृथ्वीराज पाटील, कार्यकारी संचालक डॉ. ए. के. गुप्ता आणि सीएचआरओ श्रीलेखा साटम यांनी सर्व स्टाफचे विशेष अभिनंदन केले.
यशस्वी परिश्रमी टीम
तसेच सर्व टीचिंग आणि नॉन-टीचिंग स्टाफ यांनी यासाठी विशेष परिश्रम घेतले.