🔴 BREAKING NEWS
करवीर नगरीत अमित शहा यांचे आज जल्लोषात स्वागत; आज विविध विकासकामांचा शुभारंभ
केंद्रीय गृहमंत्री व सहकार मंत्री अमित शहा यांचे करवीर नगरीत आगमन होताच त्यांचे उत्साहात स्वागत करण्यात आले. कोल्हापूर विमानतळावर लोकप्रतिनिधी, वरिष्ठ प्रशासकीय अधिकारी आणि भाजप पदाधिकाऱ्यांनी त्यांचे स्वागत केले.
अमित शहा आज श्री महालक्ष्मी अंबाबाई मंदिर परिसरातील विविध विकासकामांचा शुभारंभ करणार असून मंदिर परिसराच्या विकास आराखड्याची पाहणीही करणार आहेत. त्यानंतर पोलीस परेड ग्राउंड वरील जाहीर सभेत ते नागरिकांना संबोधित करणार आहेत.
दुपारनंतर इचलकरंजी येथे जनता सहकारी बँकेच्या नूतन इमारतीचे उद्घाटन, शेतकरी सहकारी साखर कारखान्याच्या नामविस्तार सोहळ्यात सहभाग आणि शेतकरी मेळाव्यास मार्गदर्शन असा त्यांचा कार्यक्रम आहे. या दौऱ्यामुळे कोल्हापूर आणि इचलकरंजी परिसरात राजकीय व प्रशासकीय हालचालींना वेग आला आहे.