राष्ट्रवादी काँग्रेसचे शहराध्यक्ष आदिल फरास यांचा वाढदिवस विविध सामाजिक उपक्रमांनी साजरा होणार
कोल्हापुरात तीन दिवस 'सामाजिक कृतज्ञता सप्ताहाचे' आयोजन
राष्ट्रवादी काँग्रेस पार्टीचे कोल्हापूर शहराध्यक्ष आणि कोल्हापूर महानगरपालिकेतील राष्ट्रवादीचे गटनेते मा. आदिल फरास यांचा वाढदिवस बुधवार, ६ मे २०२६ रोजी साजरा होत आहे. या वाढदिवसाचे औचित्य साधून पक्षाच्या वतीने शहरात मंगळवारपासूनच विविध सामाजिक उपक्रमांचे आयोजन करण्यात आले आहे. 'वाढदिवस सामाजिक बांधिलकीतून' ही संकल्पना राबवत तीन दिवस भरगच्च कार्यक्रमांची रूपरेषा आखण्यात आली आहे.
कार्यक्रमाचे स्वरूप आणि नियोजित उपक्रम:
- 🔹 सकाळी १०:३० वाजता: पांजरपोळ, कोल्हापूर येथील गोशाळेमध्ये गोमातांना चारा वाटप करण्यात येणार आहे.
- 🔹 दुपारी १२:०० वाजता: मिरजकर तिकटी येथील अंधशाळेतील मुलांना स्नेहभोजन दिले जाईल.
- 🔹 दुपारी १२:३० वाजता: सीपीआर चौक येथे सर्वसामान्यांसाठी 'कोल्हापुरी थाळी' वाटपाचा कार्यक्रम पार पडेल.
- 🔹 संध्याकाळी ७:०० वाजता: संपर्क कार्यालयात वाढदिवसाचे अभीष्टचिंतन, केक कापण्याचा मुख्य कार्यक्रम आणि शालेय विद्यार्थ्यांसाठी वह्यांचे वाटप करण्यात येणार आहे.
- 🔹 सकाळी १२:३० वाजता: शिरोली एमआयडीसी परिसरात गरजू कुटुंबांना ब्लँकेट, चटई आणि टॉवेलचे वाटप करून या सामाजिक सप्ताहाची सांगता होईल.
या सर्व कार्यक्रमांना राष्ट्रवादी काँग्रेस पार्टीच्या कार्यकर्त्यांनी आणि नागरिकांनी मोठ्या संख्येने उपस्थित राहावे, असे आवाहन राष्ट्रवादी काँग्रेस पार्टी कोल्हापूरच्या वतीने करण्यात आले आहे.
आदिल फरास यांच्या नेतृत्वाखाली राबवण्यात येणाऱ्या या विधायक उपक्रमांचे शहरात कौतुक होत आहे.