राजारामपुरीत महापालिकेची धडक कारवाई

७ हातगाड्या जप्त, अनधिकृत शेड्स हटवले | कोल्हापूर महानगरपालिका ॲक्शन मोडमध्ये

LIVE UPDATES कोल्हापूर | ता. ०५

कोल्हापूर महानगरपालिकेच्या विभागीय कार्यालय क्र. ३ (राजारामपुरी) व अतिक्रमण निर्मूलन पथकाने आज राजारामपुरी पहिली गल्ली परिसरात धडक कारवाई करत खाऊच्या गाड्या हटवून परिसर मोकळा केला.

🚀 ७ हातगाड्या जप्त

🏢 ४ अनधिकृत शेड्स जमीनदोस्त

🧱 ४ अनधिकृत कट्टे तोडले

महापालिका आयुक्त डॉ. राजेंद्र भारुड यांनी दुपारी राजारामपुरी जनता बाजार खाऊ गल्ली परिसराला अचानक भेट देत पाहणी केली. यावेळी रस्त्याच्या दुतर्फा, फूटपाथवर तसेच सामासिक अंतरामध्ये करण्यात आलेले बांधकाम, सार्वजनिक जागेत उभारलेल्या टपऱ्या, खोकी व अन्य अतिक्रमणे केली असल्याचे निदर्शनास आले.

"पार्किंगसाठी राखीव जागेत कोणतेही अतिक्रमण होऊ नये, व्यावसायिकांनी स्वतःहून अतिक्रमण काढावे, अन्यथा महापालिकेकडून कारवाई करून त्याचा खर्च संबंधितांकडून वसूल करण्यात येईल." - डॉ. राजेंद्र भारुड (आयुक्त)

या कारवाईवेळी अतिरिक्त आयुक्त रविकांत आडसूळ, उप-आयुक्त किरणकुमार धनवाडे, सहा. आयुक्त जयंत जावडेकर उपस्थित होते. ही मोहीम उपशहर अभियंता अरुण गुजर, अतिक्रमण प्रमुख प्रफुल्ल कांबळे, कनिष्ठ लिपीक सजन नागलोत आणि विभागीय कार्यालय क्र.३ च्या पथकाने यशस्वी केली.

पुढील इशारा: शहरातील अनधिकृत फेरीवाले आणि रस्त्यावर बाहेर काढलेल्या शेड्सवर यापुढेही अशीच कठोर कारवाई सुरू राहील, असे अतिक्रमण विभागाने स्पष्ट केले आहे.

प्रसिद्धी: Newss कट्टा डिजिटल