डी. वाय. पाटील समूहाचे अध्यक्ष डॉ. संजय डी. पाटील यांना अमेरिकेच्या विद्यापीठाकडून मानाची ‘डॉक्टर ऑफ लेटर्स’ पदवी बहाल
शिक्षण क्षेत्रातील देदीप्यमान कार्य आणि समाजात समतोल शिक्षणव्यवस्था निर्माण करण्यासाठी दिलेल्या मोलाच्या योगदानाबद्दल डी. वाय पाटील समूहाचे अध्यक्ष डॉ. संजय डी. पाटील यांना अमेरिकेतील ‘युनिव्हर्सिटी ऑफ सेंट्रल अमेरिका’तर्फे ‘डॉक्टर ऑफ लेटर्स’ (डी. लिट.) ही मानद विद्यावाचस्पती पदवी प्रदान करण्यात आली. आंतरराष्ट्रीय संचालक रिचर्ड लिवसी यांच्या हस्ते डॉ. पाटील यांना या गौरवशाली पदवीने सन्मानित करण्यात आले.
डॉ. संजय पाटील हे कोल्हापूर, आकुर्डी आणि तळसंदे येथील डी. वाय. पाटील विद्यापीठांचे कुलपती म्हणून उच्च शिक्षण क्षेत्रात कार्यरत आहेत. त्यांच्या मार्गदर्शनाखाली सध्या ५० हून अधिक शैक्षणिक संस्थांमध्ये ४७ हजारांहून अधिक विद्यार्थी वैद्यकीय, अभियांत्रिकी, कृषी आणि व्यवस्थापन अशा विविध शाखांमध्ये शिक्षण घेत आहेत.
डॉ. एस. राधाकृष्णन शिक्षक कल्याण संघ, भारत यांच्या शिफारसीनुसार हा सन्मान देण्यात आला आहे. या विशेष सोहळ्याला प्र-कुलपती ऋतुराज पाटील, पृथ्वीराज पाटील, कुलगुरू डॉ. राकेश कुमार शर्मा, डॉ. ए. के. गुप्ता यांच्यासह विविध विभागांचे प्रमुख आणि मान्यवर मोठ्या संख्येने उपस्थित होते.
– डॉ. संजय डी. पाटील
विशेष म्हणजे, डॉ. पाटील यांना यापूर्वी २०१३ मध्ये तत्कालीन राष्ट्रपती प्रणव मुखर्जी यांच्या हस्ते हिमाचल प्रदेश विद्यापीठाने देखील मानद पदवी देऊन गौरविले आहे. आजच्या कार्यक्रमाला विद्यापीठाचे कुलसचिव, परीक्षा नियंत्रक, विविध महाविद्यालयांचे प्राचार्य आणि प्राध्यापक उपस्थित होते.