नाना-नानी पार्क अभ्यासिकेत शुल्काचा घोळ?; दिपाली घाटगे यांच्या प्रश्नांनी उघड केला घोटाळा?
कोल्हापूर : नगरसेविका दिपाली घाटगे यांनी त्यांच्या प्रभागातील नाना-नानी पार्क परिसरातील अभ्यासिका व वाचनालयाच्या कामकाजासंदर्भात गंभीर मुद्दा उपस्थित करत शुल्क व आर्थिक व्यवहारांमध्ये अनियमितता होत असल्याचा आरोप केला. महानगरपालिकेच्या सभेत हा विषय उपस्थित करत त्यांनी संबंधित व्यवस्थापनावर कराराच्या अटींचे उल्लंघन केल्याचा दावा केला.
नियमांची पायमल्ली आणि अवाजवी शुल्क
घाटगे यांनी सांगितले की, एमपीएससी (MPSC) आणि यूपीएससी (UPSC) सारख्या स्पर्धा परीक्षांची तयारी करणाऱ्या विद्यार्थ्यांसाठी सुरू करण्यात आलेल्या अभ्यासिकेसाठी करारानुसार विनामूल्य अथवा अत्यल्प शुल्क आकारण्याची अट आहे.
(+ ₹१०० डिपॉझिट)
याशिवाय, संबंधित अभ्यासिकेच्या उत्पन्नातून १० टक्के रक्कम महानगरपालिकेला जमा करणे बंधनकारक असतानाही त्या ठिकाणी महानगरपालिकेचा अधिकृत बोर्ड नसल्याचेही त्यांनी निदर्शनास आणून दिले.
संबंधित व्यवस्थापनाकडून जवळपास चार लाख रुपयांहून अधिक उत्पन्न होत असतानाही महानगरपालिकेकडे केवळ १९ हजार रुपये जमा करण्यात आल्याची पावती आपल्या ताब्यात असल्याचा दावा घाटगे यांनी सभागृहात केला.
महापौरांचे कडक कारवाईचे निर्देश
या आरोपांनंतर सभागृहात जोरदार चर्चा झाली. प्रकरणाची गंभीर दखल घेत महापौर रूपाराणी निकम यांनी प्रशासनाला चौकशी करून संबंधितांवर आठ दिवसांच्या आत योग्य ती कारवाई करण्याचे निर्देश दिले. या प्रकरणामुळे अभ्यासिका व्यवस्थापनाच्या कार्यपद्धतीवर प्रश्नचिन्ह निर्माण झाले असून विद्यार्थी व पालकांमध्येही चर्चा सुरू झाली आहे.