के.एस.बी.पी. पार्क परिसरातील अनाधिकृत अतिक्रमणावर कारवाई

कोल्हापूर | ता. ०९

कोल्हापूर महानगरपालिकेच्या विभागीय कार्यालय क्रं. ३ राजारामपुरी व अतिक्रमण निर्मुलन पथकामार्फत आज के.एस.बी.पी. पार्क परिसर या ठिकाणी कडक कारवाई करण्यात आली. या मोहिमेत नियमांचे उल्लंघन करणाऱ्या अनेक घटकांवर कारवाईचा बडगा उगारण्यात आला.

जप्त करण्यात आलेले साहित्य:

• २ लोखंडी अँगल
• १ टेबल
• २ हातगाड्या
• ४ काऊंटर आणि इतर साहित्य

विशेष: कारवाई दरम्यान १९ हातगाडी मालकांनी स्वतःहून आपली अतिक्रमणे काढून घेतली.

सोमवारी झालेल्या जनता दरबारामध्ये अतिक्रमणाबाबत तक्रार अर्ज दाखल झाला होता. या अर्जाच्या अनुषंगाने व महापौर सौ. रुपाराणी निकम यांनी दिलेल्या आदेशानुसार महानगरपालिकेने ही कारवाई पूर्ण केली. या मोहिमेसाठी १ जेसीबी, २ ट्रॅक्टर ट्रॉली व १ डंपरचा वापर करण्यात आला.

प्रशासकीय उपस्थिती:

सदरची कारवाई अतिरिक्त आयुक्त शिल्पा दरेकर, उप-आयुक्त किरणकुमार धनवाडे, सहा. आयुक्त जयंत जावडेकर, शहर अभियंता रमेश मस्कर यांच्या मार्गदर्शनाखाली पार पडली. या पथकात उप-शहर अभियंता अरुण गुजर, अतिक्रमण प्रमुख प्रफुल्ल कांबळे, कनिष्ठ लिपीक सजन नागलोत, अतिक्रमण विभाग व विभागीय कार्यालय क्र. ३ मधील कर्मचारी मोठ्या संख्येने उपस्थित होते.

"शहरातील अनाधिकृत फेरीवाले व रस्त्यावरील दुकानाबाहेर लावण्यात आलेल्या शेडवर यापुढेही कडक कारवाई सुरूच राहील. दुकानदारांनी स्वतःहून आपली अतिक्रमणे काढून घ्यावीत."
- अतिक्रमण विभाग, कोल्हापूर महानगरपालिका