कोल्हापूर : येथील डॉ. डी. वाय. पाटील पॉलिटेक्निकमध्ये शैक्षणिक वर्ष २०२५-२६ मधील गुणवंत विद्यार्थ्यांचा गौरव करण्यात आला. संगणक अभियांत्रिकी विभागातील अथर्व शशिकांत शिंदे आणि तन्वी जयवंत पाटील यांची या वर्षाचे 'बेस्ट आउटगोइंग स्टुडंट' म्हणून निवड करण्यात आली.
या विद्यार्थ्यांची निवड केवळ गुणांवर आधारित नसून, त्यांची मागील तीन वर्षांतील शैक्षणिक कामगिरी, क्रीडा क्षेत्रातील सहभाग, सामाजिक कार्य आणि प्रत्यक्ष मुलाखत याद्वारे करण्यात आली. डी. वाय. पाटील ग्रुपचे कार्यकारी संचालक डॉ. ए. के. गुप्ता आणि प्राचार्य डॉ. महादेव नरके यांच्या हस्ते या विजेत्या विद्यार्थ्यांना सन्मानित करण्यात आले.
विभागीय पुरस्कारांचेही वितरण
मुख्य पुरस्कारांसोबतच प्रत्येक विभागातील उत्कृष्ट विद्यार्थ्यांचाही (Department Best Outgoing Student) गौरव करण्यात आला. यामध्ये खालील विद्यार्थ्यांचा समावेश आहे:
सुतेज सुशांत शेटगे (सिव्हिल विभाग)
साहिल संजय गोडे (मेकॅनिकल विभाग)
पार्थ सागर जाधव व राही राहुल पाटील (कॉम्प्युटर इंजिनिअरिंग)
आर्यन शिवाजी खोत (कॉम्प्युटर सायन्स इंजिनिअरिंग)
विशेष सन्मान
कार्यक्रमात इतरही महत्त्वाचे पुरस्कार प्रदान करण्यात आले. 'बेस्ट हिरकणी' म्हणून मृणाल सागर चौगुले हिचा गौरव झाला, तर 'पॉली प्रिन्स' म्हणून हर्षवर्धन रणनवरे व पृथ्वीराज ढवण आणि 'पॉली प्रिन्सेस' म्हणून अर्पिता पाटील व पूर्वा तोडकर यांना सन्मानित करण्यात आले.
या सोहळ्याला उपप्राचार्य नितीन माळी, रजिस्ट्रार महेश रेणुके, विभागप्रमुख प्रा. डॉ. पी. के. शिंदे, प्रा. एस. बी. शिंदे, प्रा. अक्षय करपे, प्रा. शीतल साळोखे आणि प्रा. अजय बंगडे उपस्थित होते. कार्यक्रमाचे सूत्रसंचालन प्रा. राज अलास्कर यांनी केले.