कोल्हापूर:
राजेश चषक फुटबॉल स्पर्धेत शुक्रवारी पार पडलेल्या दुसऱ्या उपांत्य सामन्यात श्री शिवाजी तरुण मंडळाने खंडोबा तालीम मंडळाचा २-१ असा पराभव करून अंतिम फेरीत प्रवेश केला. आता विजेतेपदासाठी शिवाजी तरुण मंडळ आणि पाटाकडील तालीम मंडळ 'अ' यांच्यात लढत होईल.
सामन्याच्या सुरुवातीपासूनच दोन्ही संघांनी आक्रमक पवित्रा घेतला. खेळाच्या ६ व्या मिनिटाला शिवाजी मंडळाच्या हर्ष जरगने गोल करून संघाला १-० अशी आघाडी मिळवून दिली. पूर्वार्धात हीच आघाडी कायम राहिली. उत्तरार्धात ७५ व्या मिनिटाला करण चव्हाण-बंदरे याने मैदानी गोल नोंदवत शिवाजी मंडळाची आघाडी २-० अशी भक्कम केली.
खंडोबा तालीम मंडळाकडून गोलची परतफेड करण्यासाठी जोरदार प्रयत्न झाले. ८० व्या मिनिटाला कुणाल दळवीने गोल करत खंडोबाचे खाते उघडले. त्यानंतर दोन्ही बाजूंकडून चढाया झाल्या, मात्र शिवाजी मंडळाने आपली आघाडी शेवटपर्यंत टिकवून ठेवत विजय मिळवला.
शिवाजी मंडळाकडून एस. जांभळे, संकेत साळोखे, राज अली, योगेश कदम, इंद्रजीत चौगुले, दर्शन पाटील यांनी उत्कृष्ट खेळ केला. तर खंडोबाकडून सचिन एस., प्रभू पोवार, शाहीर एस., पृथ्वीराज साळोखे, रोहित जाधव, विष्णू टी. एम. आणि आदित्य लायकर यांनी चांगली लढत दिली.
अंतिम सामना:
स्पर्धेचा अंतिम सामना उद्या दुपारी ४ वाजता श्री शिवाजी तरुण मंडळ आणि पाटाकडील तालीम मंडळ 'अ'