चंद्रकांत चषक फुटबॉल : पाटाकडील तालीम मंडळाची प्रॅक्टिस क्लबवर मात; उपांत्य फेरीत प्रवेश
कोल्हापूर | छत्रपती शाहू स्टेडियम
कोल्हापूर येथील प्रतिष्ठेच्या ‘चंद्रकांत चषक’ फुटबॉल स्पर्धेत आज पाटाकडील तालीम मंडळाने (PTM) आपल्या लौकिकाला साजेसा खेळ करत प्रॅक्टिस फुटबॉल क्लबवर २-० ने मात केली.
सामन्याच्या सुरुवातीपासूनच पाटाकडील संघाने आक्रमक पवित्रा घेतला होता. खेळाच्या ५ व्या मिनिटालाच प्रथमेश हेरेकरच्या अचूक पासवर यशराज कांबळेने गोल नोंदवत संघाला १-० अशी आघाडी मिळवून दिली. ४० व्या मिनिटाला ओमकार मोरेच्या पासवर अमन काझिनने दुसरा गोल केला.
उत्तरार्धात प्रॅक्टिस क्लबने गोलची परतफेड करण्यासाठी निकराचे प्रयत्न केले. सुजित एस, सूरज जाधव, साहिल डाकवे आणि अजिंक्य नलवडे यांनी पाटाकडीलच्या बचावफळीवर वारंवार हल्ले चढवले, मात्र पाटाकडीलचा गोलरक्षक अमर गवळी याने ते मोडीत काढले.
उद्याचा सामना (उपांत्य फेरी):
खंडोबा तालीम मंडळ विरुद्ध दिलबहार तालीम मंडळ