गोकुळ निवडणूक बिनविरोध करण्यासाठी हालचाली; महायुतीत जागावाटपाचा फॉर्म्युला चर्चेत
कोल्हापूर जिल्हा दूध उत्पादक संघाच्या (गोकुळ) निवडणुकीत महायुतीकडून बिनविरोधचा प्रयत्न सुरू असल्याची माहिती समोर आली आहे. त्यासाठी महायुतीतील घटक पक्षांमध्ये जागावाटपाचा फॉर्म्युला निश्चित करण्याच्या हालचाली सुरू आहेत.
सूत्रांकडून मिळालेल्या माहितीनुसार, राष्ट्रवादी काँग्रेसला १०, शिवसेनेला ७, भाजपला ६ आणि जनसुराज्य शक्ती पक्षाला २ जागा देण्याचा प्रस्ताव चर्चेत आहे. तसेच विरोधी पक्षातील प्रत्येक प्रमुख गटाला प्रत्येकी एक जागा देऊन एकूण चार जागांची ऑफर देण्याबाबतही चर्चा सुरू असल्याचे समजते.
गोकुळची निवडणूक बिनविरोध करण्याच्या दृष्टीने हा प्रस्ताव महत्त्वाचा मानला जात आहे. या संदर्भातील प्रस्ताव आज मुख्यमंत्री देवेंद्र फडणवीस यांच्या अध्यक्षतेखाली होणाऱ्या बैठकीत ठेवला जाण्याची शक्यता आहे. बैठकीत महायुतीतील जागावाटप तसेच विरोधकांना देण्यात येणाऱ्या जागांबाबत चर्चा होण्याची शक्यता आहे.
या संदर्भातील प्रस्ताव आज मुख्यमंत्री देवेंद्र फडणवीस यांच्या अध्यक्षतेखाली होणाऱ्या बैठकीत ठेवला जाण्याची शक्यता आहे. बैठकीत महायुतीतील जागावाटप तसेच विरोधकांना देण्यात येणाऱ्या जागांबाबत चर्चा होण्याची शक्यता आहे.
दरम्यान, गोकुळच्या २५ जागांसाठी महायुतीतील घटक पक्षांमध्ये जागावाटपावरून यापूर्वी रस्सीखेच सुरू होती. उपलब्ध वृत्तांनुसार मुख्यमंत्र्यांच्या हस्तक्षेपानंतर महायुतीचा ९ राष्ट्रवादी, ७ भाजप, ७ शिवसेना आणि २ जनसुराज्य असा २५ जागांचा फॉर्म्युला जाहीर झाल्याचे वृत्त आहे. त्यामुळे आता बिनविरोधच्या प्रस्तावाबाबतच्या पुढील चर्चेकडे लक्ष लागले आहे.
राष्ट्रवादी
भाजप
शिवसेना
जनसुराज्य