डी. वाय. पाटील अभियांत्रिकी महाविद्यालय, कसबा बावडा
कोल्हापूर
कोल्हापूर : कसबा बावडा येथील डी. वाय. पाटील कॉलेज ऑफ इंजिनिअरिंग अँड टेक्नॉलॉजी या संस्थेला शिवाजी विद्यापीठाने 'अधिकार प्रदत्त स्वायत्त महाविद्यालय' (Empowered Autonomous Status) हा दर्जा प्रदान केला आहे.
या मान्यतेमुळे महाविद्याराला अभ्यासक्रम रचना, कौशल्याधारित शिक्षण, मूल्यमापन पद्धती, संशोधन, उद्योग-सहभाग आणि विद्यार्थीकेंद्रित शैक्षणिक उपक्रम अधिक प्रभावीपणे राबविण्याचे विस्तारित अधिकार प्राप्त झाले आहेत. त्याचबरोबर पदवी प्रमाणपत्रावर आता शिवाजी विद्यापीठाबरोबरच महाविद्यालयाचेही नाव नमूद केले जाणार आहे. त्यामुळे जागतिक दर्जाचे शिक्षण देण्याच्या दिशेने महाविद्यालयाची वाटचाल अधिक वेगाने होणार आहे.
नेत्यांच्या प्रतिक्रिया
डॉ. संजय डी. पाटील
"हा दर्जा म्हणजे संस्थेने गेल्या चार दशकांहून अधिक काळ जपलेल्या शैक्षणिक उत्कृष्टतेचा आणि गुणवत्तेच्या सातत्यपूर्ण ध्यासाचा सन्मान आहे. विद्यार्थ्यांना जागतिक स्तरावर स्पर्धात्मक बनविण्यासाठी उद्योगाभिमुख, संशोधनाधारित आणि नावीन्यपूर्ण शिक्षण देण्याची आमची बांधिलकी यामुळे अधिक बळकट झाली आहे."
ऋतुराज पाटील
"विद्यार्थ्यांना भविष्यातील तंत्रज्ञान, उद्योग आणि जागतिक गरजांशी सुसंगत शिक्षण उपलब्ध करून देण्याच्या दृष्टीने हा मैलाचा दगड आहे. या अधिकार प्रदत्त स्वायत्त दर्जामुळे शैक्षणिक निर्णय अधिक गतिमान होतील आणि विद्यार्थ्यांच्या सर्वांगीण विकासाला नवी दिशा मिळेल."
डॉ. ए. के. गुप्ता
"अधिकार प्रदत्त स्वायत्त दर्जामुळे महाविद्याराला राष्ट्रीय शिक्षण धोरणाच्या अनुषंगाने आधुनिक अभ्यासक्रम, आंतरविद्याशाखीय शिक्षण, संशोधन, नवोपक्रम आणि उद्योग-संलग्न उपक्रम अधिक प्रभावीपणे राबविता येतील. गुणवत्तेच्या सर्वोच्च निकषांची पूर्तता करत विद्यार्थ्यांना जागतिक दर्जाचे शिक्षण देण्यासाठी आम्ही अधिक जोमाने कार्य करू."
महाविद्यालयाची यशस्वी वाटचाल
पद्मश्री डॉ. डी. वाय. पाटील यांनी १९८४ मध्ये स्थापन केलेल्या या महाविद्यालयाने गेल्या ४२ वर्षांत हजारो गुणवंत अभियंते घडविले आहेत.
- २०२० : स्वायत्त महाविद्यालयाचा दर्जा प्राप्त
- २०२६ : एनबीए वॉशिंग्टन अकॉर्ड मानांकन प्राप्त
- २१ जुलै २०२६ : शिवाजी विद्यापीठाकडून 'अधिकार प्रदत्त स्वायत्त महाविद्यालय' हा विशेष दर्जा बहाल
मनःपूर्वक अभिनंदन!
या ऐतिहासिक यशाबद्दल संस्थेच्या नेतृत्वाकडून सर्व सहकारी, कर्मचारी, आजी-माजी विद्यार्थ्यांचे हार्दिक अभिनंदन करण्यात आले आहे: