कळंबा फिल्टर हाऊसची भिंत हॉटेलवर ढासळली
संभाजीनगर, कोल्हापूर
अँकर
संभाजीनगर इथल्या कळंबा फिल्टर हाऊसच्या संरक्षक भिंतीचा काही भाग, बाजूच्या एका हॉटेलवर कोसळला. यात सुमारे ५० हजारांचं नुकसान झालं. भिंत पडल्याचा आवाज आल्यानं, हॉटेलमधील कामगारांनी बाजूला पळ काढला. त्यामुळ सुदैवानं कोणतीही जीवितहानी झाली नाही.
व्ही.ओ. (V.O.)
कोल्हापुरातील संभाजीनगर इथल्या कळंबा फिल्टर हाऊसच्या पूर्व बाजूच्या संरक्षक भिंतीचा काही भाग, बाजूच्या एका हॉटेलवर कोसळला. गुरुवारी रात्री उशिरा घडलेल्या या घटनेत, हॉटेलच्या किचनवरील पत्रा, लोखंडी पाईप आणि भिंतीचा भाग कोसळल्यान, सुमारे ५० हजारांच नुकसान झालं.
इथली संरक्षक भिंत धोकादायक बनल्याचं महापालिकेला कळवलं होतं. मात्र महापालिका प्रशासनानं याची दखल घेतली नाही. त्यामुळ हा प्रकार घडल्याचा आरोप हॉटेल मालकांनी केला.
या कळंबा फिल्टर हाऊसच्या सभोवतालची संरक्षक भिंत अजूनही धोकादायक स्थितीत, तसंच ढासळलेल्या अवस्थेत आहे. आणखी काही दुर्घटना घडण्यापूर्वीच, महापालिका प्रशासनानं याची दुरुस्ती करून, नव्यानं ही संरक्षक भिंत उभारण्याची गरज निर्माण झाली आहे.