नगरसेविका नेहा तेंडुलकर यांच्या पुढाकारातून रक्तदान शिबिर उत्साहात संपन्न
माजी मंत्री तथा भाजप नेते चंद्रकांतदादा पाटील यांच्या वाढदिवसानिमित्त नगरसेविका डॉ. नेहा अभय तेंडुलकर यांच्या पुढाकारातून बुधवारी राजर्षी शाहू छत्रपती स्मारक भवन, दुसरा चौक येथे भव्य रक्तदान शिबिराचे आयोजन करण्यात आले.
"नसे हे केवळ रक्तदान... जीवनदानाचे कार्य महान"
या संकल्पनेतून आयोजित करण्यात आलेल्या या शिबिराला नागरिकांचा उत्स्फूर्त प्रतिसाद लाभला. थॅलेसेमिया रुग्णांना मदत व्हावी आणि रक्ताचा तुटवडा भरून निघावा या उद्देशाने आयोजित करण्यात आलेल्या शिबिरात अनेक युवक, कार्यकर्ते आणि नागरिकांनी रक्तदान केले.
या उपक्रमासाठी अर्पण ब्लड बँक व वैभवलक्ष्मी ब्लड सेंटर यांचे सहकार्य लाभले. शिबिरादरम्यान रक्तदात्यांची वैद्यकीय तपासणी करून सुरक्षित पद्धतीने रक्तसंकलन करण्यात आले.
प्रमुख उपस्थिती व आवाहन:
यावेळी भाजपचे महेश जाधव, स्थायी समिती सभापती विशाल शिराळे यांच्यासह स्थानिक लोकप्रतिनिधी, सामाजिक कार्यकर्ते तसेच विविध क्षेत्रातील मान्यवर उपस्थित होते. आयोजकांनी रक्तदानासारख्या सामाजिक कार्यात नागरिकांनी मोठ्या संख्येने सहभागी व्हावे, असे आवाहन केले.