LIVE: कोल्हापूर फुटबॉल
महापौर चषक फुटबॉल स्पर्धा
श्री शिवाजी तरुण मंडळाचा उत्तरेश्वर संघावर दणदणीत विजय!
श्री शिवाजी तरुण मंडळाचा उपांत्य फेरीत प्रवेश: संकेत साळोखेची दुसरी हॅटट्रिक
कोल्हापूर महानगरपालिका आयोजित महापौर चषक फुटबॉल स्पर्धेत आज श्री शिवाजी तरुण मंडळ विरुद्ध उत्तरेश्वर प्रासादिक वाघाची तालीम यांच्यात अटीतटीचा सामना रंगला.
सामन्याचा थरार (पहिला हाफ)
- ५ वे मिनिट: दर्शन पाटीलच्या पासवर संकेत साळोखेने पहिला गोल करत शिवाजी संघाला १-० ची आघाडी मिळवून दिली.
- ६ वे मिनिट: उत्तरेश्वरच्या इलेनसा शर्माने फ्री किकवर गोल करत सामना १-१ च्या बरोबरीत आणला.
- ११ वे मिनिट: हर्ष जरगच्या पासवर पुन्हा संकेत साळोखेने गोल केला. मध्यंतरापर्यंत शिवाजी तरुण मंडळ २-१ ने आघाडीवर होते.
सामन्याच्या ६३ व्या मिनिटाला मिळालेल्या पेनल्टीवर संकेत साळोखेने अचूक गोल केला आणि या स्पर्धेतील आपली दुसरी हॅटट्रिक साजरी केली!
उत्तरार्धात उत्तरेश्वर संघाच्या खेळाडूंनी गोल करण्यासाठी जोरदार चढाया केल्या, मात्र शिवाजी मंडळाच्या भक्कम बचावफळीमुळे त्यांना यश आले नाही. अखेर श्री शिवाजी तरुण मंडळाने हा सामना ३-१ अशा फरकाने जिंकत दिमाखात उपांत्य फेरीत धडक मारली.
श्री शिवाजी संघ - उत्कृष्ट खेळ:
संकेत जरग, विशाल पाटील, इंद्रजीत चौगुले, करण चव्हाण बंदरे, योगेश कदम.
उत्तरेश्वर संघ - उत्कृष्ट खेळ:
तेजस वालके, अथर्व पाटील, मयूर कदम, तुषार पुनाळकर, विश्वजित भोसले.