डिजिटल युगात 'सायबर प्रतिकारशक्ती' काळाची गरज
राज्य महिला आयोगाच्या कोल्हापूर येथील बैठकीत महत्त्वपूर्ण विचारमंथन
विषय
सायबर सुरक्षा, बीएनएस कायदे
प्रमुख उपस्थिती
राज्य महिला आयोग व जिल्हा प्रशासन
ठिकाण
जिल्हाधिकारी कार्यालय, कोल्हापूर
कोल्हापूर, दि. ०६ : समाज माध्यमांच्या वाढत्या वापरासोबतच सायबर गुन्हेगारीचे प्रमाणही चिंताजनकरीत्या वाढत आहे. या पार्श्वभूमीवर, विद्यार्थ्यांना सायबर सुरक्षित करण्यासाठी महाराष्ट्र राज्य महिला आयोगाच्या वतीने कोल्हापूर जिल्हाधिकारी कार्यालयात एक महत्त्वपूर्ण प्राथमिक बैठक संपन्न झाली. ज्याप्रमाणे शरीरातील रोगप्रतिकारक शक्ती जंतूंशी लढते, त्याचप्रमाणे प्रत्येकाने आपली 'डिजिटल इम्युन सिस्टम' सक्षम करणे ही काळाची गरज आहे, असे विचार या बैठकीतून समोर आले.
या बैठकीला राज्य महिला आयोगाच्या सदस्य सचिव नंदिनी आवडे, जिल्हाधिकारी डॉ. विजय राठोड आणि जिल्हा परिषदेच्या मुख्य कार्यकारी अधिकारी डॉ. जॅसमिन यांची प्रमुख उपस्थिती होती.
डॉ. विजय राठोड
"विद्यार्थ्यांना सायबर सुरक्षित ठेवण्यासाठी विशिष्ट थीमवर आधारित सातत्यपूर्ण कार्यक्रमांची आखणी आवश्यक आहे. शालेय स्तरावरच संस्कार झाले तरच भविष्यातील धोके टाळता येतील."
डॉ. जॅसमिन
मुख्य कार्यकारी अधिकारी डॉ. जॅसमिन यांनी आंतरराष्ट्रीय स्तरावरून होणाऱ्या सायबर हल्ल्यांच्या कार्यपद्धतीवर प्रकाश टाकला आणि सावधगिरीच्या उपाययोजना सुचवल्या.
आयोगाचा पुढील संकल्प:
- ✅ शाळा, महाविद्यालये आणि थेट गावागावांत जनजागृती मोहीम.
- ✅ सोशल मीडियावरील फेक प्रोफाइल्सपासून दूर राहण्याबाबत जागृती.
- ✅ बाल स्नेही आणि महिला स्नेही सायबर सुरक्षिततेचा जागर.
उपस्थित मान्यवर व प्रतिनिधी:
जिल्हा महिला व बाल विकास अधिकारी सुहास वाईंगडे, पोलीस उप अधीक्षक तानाजी सावंत, प्राथमिक शिक्षणाधिकारी मीना शेंडकर, माध्यमिक शिक्षणाधिकारी सुवर्णा सावंत, जिल्हा संरक्षण अधिकारी अलोक अग्रहारी, आयोगाच्या कार्यकारी संपादक कपालिनी सिनकर, आणि समुपदेशक सुनिता गणगे उपस्थित होत्या. 'अहन फाउंडेशन'चे उन्मेश जोशी व सोनाली पाटणकर यांनी सादरीकरण केले. तसेच समीर नेजकर, अमृता करमरकर, राधिका भुरांडे यांनी चर्चेत सहभाग घेतला.