‘मामाच्या गोव्याला जाऊया’ चे ठेका धरायला लावणारे टायटल साँग प्रदर्शित; अवधूत गुप्तेंच्या आवाजाची जादू!
फ्रेंडशिप डेच्या आठवड्यात मैत्री, धमाल आणि नॉस्टॅलजियाची मसालेदार ट्रीट घेऊन येणाऱ्या ‘मामाच्या गोव्याला जाऊया’ या चित्रपटाचं धमाकेदार टायटल साँग प्रदर्शित झालं आहे. ‘मामाच्या गावाला जाऊया’ या बडबडगीताच्या चालीवर ठेका धरायला लावणारं हे गीतही तुम्हाला नॉस्टॅलजिक करणारं आहे.
शब्दांनीच तुम्हाला गोव्याच्या माहोलची सफर घडवणाऱ्या या गाण्याचे गीतकार, संगीतकार आणि गायकही अवधूत गुप्ते आहेत. त्यांच्या युथफुल एनर्जिटीक आवाजाने आणि संगीताने त्यांनी या गाण्याला अल्टिमेट पार्टी आणि मस्ती साँगचा बाज दिला आहे.
"हे गाणं गातानाच मला त्याची भन्नाट एनर्जी जाणवत होती. गोव्याची मजा, दोस्तीची धमाल आणि तरुणाईचा जोश यात भरभरून आहे. हे गाणं लोकांच्या प्लेलिस्टमध्येच नाही तर त्यांच्या ट्रिप प्लॅनमध्येही जागा बनवेल!"
"हे फक्त गाणं नाही, तर एक भन्नाट अनुभव आहे. प्रेक्षकांची उत्सुकता ताणून धरण्यासाठी सध्या हे गाणं एआयच्या दृश्यातून समोर आणले असून मूळ दृश्य यापेक्षा कमाल असणार आहे. हे गाणं अक्षरशः वेड लावेल!"
विजुमेनिया प्रा. लि. आणि लाईट अँड शेड प्रस्तुत या चित्रपटाचे लेखन, दिग्दर्शन आणि निर्मिती विजू माने यांनी केली आहे. ३१ जुलै रोजी फ्रेंडशिप डेच्या मुहूर्तावर हा चित्रपट प्रदर्शित होत आहे.
- मुख्य भूमिका आणि टीम -
पटकथा व संवाद: विजू माने, राहुल आवटे आणि कुशल बद्रिके