कोल्हापुरात 'सतेज चषक'चा फुटबॉलचा किक ऑफ: प्रॅक्टिस क्लब, वेताळमाळची विजयी सलामी
आमदार सतेज पाटील यांच्या हस्ते उद्घाटन; प्रॅक्टिसची 'मर्दानी'वर ७-० ने मात, तर वेताळमाळचा ३-० ने विजय
कोल्हापूर : प्रतिनिधी
क्रीडानगरी कोल्हापूरमध्ये फुटबॉलचा थरार पुन्हा एकदा सुरू झाला आहे. पाटाकडील तालीम मंडळ आयोजित अत्यंत प्रतिष्ठेच्या 'सतेज चषक २०२६' फुटबॉल स्पर्धेचे उद्घाटन सोमवारी अत्यंत दिमाखात पार पडले. स्पर्धेच्या पहिल्याच दिवशी प्रॅक्टिस फुटबॉल क्लब आणि वेताळमाळ तालीम मंडळाने प्रतिस्पर्ध्यांवर मात करत विजयी सलामी दिली.
छत्रपती शाहू स्टेडियमवर झालेल्या या सोहळ्याचे उद्घाटन आमदार सतेज पाटील यांच्या हस्ते फुटबॉलला किक मारून करण्यात आले. यावेळी गोकुळचे संचालक बाबासाहेब चौगले, विजय देवणे, रविकरण इंगवले, एकनाथ पाटील, डॉ. धुरत कोटकर आदी मान्यवर उपस्थित होते. पाटाकडील तालीम मंडळाच्या वतीने राजेंद्र ठोंबरे, शरद माळी, संदीप सरनाईक यांनी नियोजनाची धुरा सांभाळली.
प्रॅक्टिस फुटबॉल क्लबचा धुव्वादार विजय
स्पर्धेतील सलामीचा सामना प्रॅक्टिस फुटबॉल क्लब आणि मर्दानी खेळाचा आखाडा यांच्यात झाला. प्रॅक्टिसने तब्बल ७-० अशा मोठ्या गोलफरकाने विजय मिळवून पुढील फेरीत प्रवेश केला.
वेताळमाळचे वर्चस्व
वेताळमाळ तालीम मंडळ आणि उत्तरेश्वर प्रासादिक वाघाची तालीम यांच्यात चुरशीची लढत झाली. वेताळमाळने ३-० असा विजय निश्चित केला.
आजचे सामने
दुपारी १:३० वा.
दिलबहार तालीम मंडळ
वि.
संध्यामठ तरुण मंडळ
सायंकाळी ४:०० वा.
पाटाकडील तालीम मंडळ 'अ'
वि.
रंकाळा तालीम मंडळ