कोल्हापूर: कोल्हापूर जिल्ह्यात गेल्या काही दिवसांपासून घरगुती गॅस सिलिंडरचा प्रचंड तुटवडा जाणवत आहे. बुकिंग करूनही १०-१५ दिवस सिलिंडर मिळत नसल्याने सर्वसामान्यांचे हाल होत आहेत. या परिस्थितीमुळे जिल्ह्यातील नागरिक आता पुन्हा पारंपरिक चुलीकडे वळू लागले असून लाकूड वखारींमध्ये मोठी गर्दी पाहायला मिळत आहे.
मिळालेल्या माहितीनुसार, कोल्हापूर शहरात दररोज सुमारे १२ टनांहून अधिक लाकडाची विक्री होत आहे. हॉटेल व्यावसायिक आणि खानावळ मालकांनीही गॅस अभावी लाकडी इंधनाचा वापर सुरू केला आहे. गॅस कंपन्यांकडून पुरवठा सुरळीत न झाल्यास ही समस्या अधिक गंभीर होण्याची शक्यता आहे. ग्राहकांनी लवकरात लवकर पुरवठा सुरळीत करण्याची मागणी केली आहे.