कोल्हापूर – शहरातील फुलेवाडी रिंग रोड परिसरात मध्यरात्री चाकू आणि कोयत्यासारख्या धारदार शस्त्रांनी केलेल्या हल्ल्यात मेहेर याख या तरुणाचा जागीच मृत्यू झाला. हल्ल्यावेळी त्याच्यासोबत असलेल्या आणखी एका तरुणालाही मारहाण करण्यात आली असून तो गंभीर जखमी झाल्याची माहिती समोर आली आहे.
प्राथमिक माहितीनुसार, या हल्ल्यामागे जुना वाद असल्याचे सांगितले जात असून सिद्धांत गवळी, आदित्य गवळी, धीरज शर्मा, ऋषभ सांखळे, मयूर कांबळे, पियुष पाटील, सद्दाम कुंडले यांच्यासह इतर काही जणांनी एकत्रितपणे तलवार, कोयता, लोखंडी गज यांसारखी हत्यारे वापरत हा भयंकर हल्ला केल्याचे पोलिस तपासात स्पष्ट झाले आहे.
या घटनेनंतर परिसरात भीतीचे वातावरण निर्माण झाले असून, पोलीस तातडीने घटनास्थळी दाखल होऊन सात संशयितांविरुद्ध गुन्हा नोंदवून त्यांना ताब्यात घेतले आहे. खबरदारी म्हणून परिसरात पोलिस बंदोबस्तही वाढवण्यात आला आहे.