जिल्हा माहिती कार्यालय, कोल्हापूर कोल्हापूर, दि. २२

जागतिक तंबाखू विरोधी दिन पार्श्वभूमी

शाहूपुरी पोलीस ठाण्यात मौखिक आरोग्य तपासणी शिबिर संपन्न

राष्ट्रीय तंबाखू नियंत्रण कार्यक्रम, सीपीआर रुग्णालय व सेवा रुग्णालय उपक्रम

कोल्हापूर, दि. २२: ३१ मे जागतिक तंबाखू विरोधी दिनाच्या पार्श्वभूमीवर राष्ट्रीय तंबाखू नियंत्रण कार्यक्रम सीपीआर रुग्णालय व सेवा रुग्णालय कसबा बावडा यांच्या संयुक्त विद्यमाने मौखिक आरोग्य तपासणी शिबिराचे आयोजन करण्यात आले.

तंबाखू सेवनाचे दुष्परिणाम व कायदेशीर अंमलबजावणी :

जिल्हा सल्लागार (NTCP) डॉ. व्ही. ए. आरळेकर यांनी उपस्थित अधिकारी व कर्मचाऱ्यांना तंबाखू सेवनामुळे शरीरावर होणारे दुष्परिणाम आणि कर्करोगासारखे गंभीर आजार याविषयी सविस्तर माहिती दिली. तसेच कोटपा ॲक्ट (COTPA Act 2003) ची प्रभावी अंमलबजावणी करण्यासाठी आरोग्य व पोलीस विभागांनी संयुक्तपणे कार्य करणे आवश्यक असल्याचे प्रतिपादन केले.

मौखिक आरोग्याची काळजी :

दंत चिकित्सक डॉ. अर्चना पाटील यांनी मौखिक आरोग्याविषयी उपस्थितांना सखोल मार्गदर्शन केले. तसेच प्रत्येकाने आपले आरोग्य सुदृढ ठेवण्यासाठी नियमित दंत व मौखिक तपासणी करण्याचे आवाहन केले.

या विशेष आयोजित करण्यात आलेल्या मौखिक आरोग्य तपासणी शिबिराचा लाभ शाहूपुरी पोलीस ठाण्यातील अनेक वरिष्ठ अधिकारी व कर्मचाऱ्यांनी घेऊन स्वतःची आरोग्य तपासणी करून घेतली.

मार्गदर्शन व नेतृत्व

• डॉ. सरिता थोरात
  जिल्हा शल्य चिकित्सक (प्रभारी) व निवासी वैद्यकीय अधिकारी (बाह्य)
• संतोष डोके
  पोलीस निरीक्षक, शाहूपुरी पोलीस ठाणे
• डॉ. व्ही. ए. आरळेकर
  जिल्हा सल्लागार (NTCP)
• डॉ. अर्चना पाटील
  दंत शल्य चिकित्सक

संयुक्त विद्यमान उपक्रम

आरोग्य विभाग व पोलीस प्रशासन यांचा सामाजिक आरोग्यासाठी आणि व्यसनमुक्तीसाठी एक कौतुकास्पद पुढाकार.

राष्ट्रीय तंबाखू नियंत्रण कार्यक्रम (NTCP)

सीपीआर रुग्णालय व सेवा रुग्णालय कसबा बावडा, कोल्हापूर

© २०२६ सर्व हक्क सुरक्षित. माहिती व जनसंपर्क महासंचालनालय, महाराष्ट्र शासन