महानगरपालिका घरफाळा विभागाच्या वतीने सहा दिवसांत २९९ मिळकतींचा शोध

कोल्हापूर, ता. ७ मे २०२६

कोल्हापूर महानगरपालिकेच्या घरफाळा विभागाने शहरातील करआकारणी न झालेल्या तसेच नियमबाह्य बदल झालेल्या मिळकतींवर विशेष मोहीम हाती घेतली असून, अवघ्या सहा दिवसांत तब्बल २९९ मिळकतींचा शोध लावला आहे.

आयुक्त डॉ. राजेंद्र भारुड यांच्या आदेशानुसार १ ते ३० मे २०२६ या कालावधीत ही विशेष मोहीम राबविण्यात येत आहे. महापालिकेच्या चारही विभागीय कार्यालयांमार्फत लिपिकनिहाय भाग निश्चित करून ही शोधमोहीम सुरू करण्यात आली आहे.

मोहिमेतील आतापर्यंतची महत्त्वाची आकडेवारी:

२०४ करआकारणी न झालेल्या मिळकती ६६ भाडेकरू वापर असलेल्या मिळकती २९ क्षेत्रवाढ झालेल्या मिळकती

महापालिकेकडून आता या मिळकतींची अंतिम करआकारणी प्रक्रिया सुरू करण्यात आली आहे. मिळकतधारकांकडून खालील कागदपत्रे मागविण्यात आली आहेत:

• • बांधकाम परवानगी
• • भोगवटा प्रमाणपत्र
• • भाडेकरारपत्र
• • नगररचना विभागाची क्षेत्रवाढीची परवानगी

इशारा: कागदपत्रे सादर करण्यासाठी सात दिवसांची मुदत देण्यात आली आहे. मुदतीत कागदपत्रे न दिल्यास संबंधित मिळकत अनधिकृत समजून महाराष्ट्र महानगरपालिका अधिनियमातील कलम २६७-अ नुसार शास्तीसह (दंडासह) करआकारणी करण्यात येणार आहे.

मिळकतधारकांनी तातडीने जवळच्या विभागीय कार्यालयाशी संपर्क साधावा - आयुक्त डॉ. राजेंद्र भारूड